أجمل من الحقيقة

السلام عليكم ورحمة الله وبركاته

يسعدني أنا اهدي لكم هذا السطر
يعرض لثاني مره كتابه وبث مباشر
اهديه لكم هتلاقي نفسك هنا
هتلاقي تفاؤل هتلاقي حب هتلاقي وفاء
هتلاقي ابتسامه هتلاقي نفسك في جمل كتير اوي
اتمنى تقرا آكتر من مره عشان يوصلك
الاحساس ويوصلك معنى الكلمات

يوميات ناس وناس
السطر الثاني من الجزء الاول

بعنوان
💜💜اجمل من الحقيقه 💜💜

ناس بتشيريك من غير مصالح
وناس بنتظرك تسلم وتصافح
وناس إنت تغلط وهي تسامح
وناس تسأل عليك كل ثانيه
وناس إنت إللي ليهم في الدنيا
ناس تنتظر صورتك صوتك سؤالك
وناس ماس وتفهم إللي ف بالك
وناس حلوه وناس حلالك
وناس تحب حنيتك ودلالك
وناس بتحبها كل الناس
عشان أمك دعيالك
وناس ترسم البسمه
وبتخاف عليك من النسمه وجنبك في كل ازمه
وناس طايره بيك
وناس بتحلم بيك
وناس شبيك لبيك
واقف بين أيديك
وناس إنت فرحتها
وناس هما فرحتك
وناس بتعشق اسمك
وناس عاشقه راسمك
وناس تزعل عشانك
وناس حافظه مكانك
وناس بكل كيانك بتحبك
وناس مرتاحه جنبك
وناس تتربع في قلبك
وناس إنت دواها
وناس إنت بتتنفس هواها
وناس وإنت معاها
بيرتاح قلبك
ناس تدخل قلبك بطياره
وناس دايما محتاره
تفرحك بأي طريقه
وناس مش وهم خيال
وناس مش بس سؤال
دي أجمل من الحقيقه

وناس أذواق
وناس أخلاق
تخطف قلبك
وناس بتسامح
تشبهك في الملامح
ونفسها تعيش جنبك

وناس في قلبها نور
وناس هتعمل سور
حواليك
وناس هنا وسرور
وناس حنيه وأصول
وبتخاف عليك
وناس تفديك بنفسها
وناس حلو حظها إنها
اتعرفت عليك
وناس تدعيلك من غير ما تعرف
وناس علشانك بتتصرف وتاخد بايديك
وناس تديها عينيك
وناس تبص عليك
وناس الله يحميك
من حبهم متتحسدش
وناس تحبك زي مانت ولاخطائك ماتشوفش
وناس مهتمه بيك
وناس فرحانه بيك
وناس عايشه ليك
وناس نفسها تتديك
عمرها

وناس بستان ورد
وناس دمعتك ع الخد
بتوجعها
وناس تتطمع في حبك
وناس الابتسامه في أيديها بتوزعها
وناس بتعذرك
مش مستنيه مبررات
وناس تعطيك
وإللي في أيديها ليك
من غير مجاملات

وناس تديها عينه من الحب
تديك من الحب شلالات

وناس وجودك بيسعدهم
وناس الله يسعدهم
خلو لوجودك كيان
وناس إنسان أمان حنان
وناس بتقولك كنت فين
من زمان
وناس زي ماهي
غلاوتك بتزيد كل دقيقه
دي ناس
👈👈👈👈أجمل من الحقيقه
#علي_التركي ♥️ ♥️