انا الجاني
يتجدد موعدنا مع يوميات
ناس وناس
#علي_التركي ♥️ يقدم لكم
السطر الأربعون
من الجزء الأول
بعنوان (أنا الجاني)
..هي الدنيا ايه غير حبة ثواني..
...عمري راح واللي راح مش راجع تاني..
...أنا الجاني ...أنا الجاني....
..انا المذنب انا المقصر
اللي بجري ورا الشهوات
وفي كل محنه وفي كل شده
وفي كل كرب رب العرش نجاني. .
...أنا الجاني...أنا الجاني...
..انا المذنب انا المقصر انا الجاني.
انا اللي ضعيت صلاتي..
وفكرت بس في أحلامي. .
انا الميت في الدنيا عايش
ضاعت مني أيامي
..أنا الجاني ..انا الجاني...
انا اللي فاكر أن المووووت هيستناني
انا اللي نسيت الموت والموت مش هينساني
انا اللي بحلم أعيش في قصور وأبراج في العلالي
ونسيت أن قبري متر ×متر
وغطايه التراب
والغراب هو اللي علمهالي
انا اللي قفلت بابي عشان اعصاه
ونسيت أن حسابي بين يدي الله
انا اللي قفلت بابي عن عيون الناس
ونسيت أن ربي يعلم ما في القلوب
علام الغيوب جابلي الهواء من تحت الباب
عشان أتنفس واعيش تاني
..أنا الجاني ..انا الجاني..
انا اللي غفلت عن امتحان الخلوه
استبدلت ذكره بفيلم وغنوه
ونسيت النار والحساب
انا الي جريت ورا المال
وشغلتني الدنيا في أي حال
وغفل قلبي عن السؤال
من أين اكتسب
وفي ايه صرفت المال
انا اللي تركت سنة نبينا
انا اللي بتجرد واحده واحده من اسلامي
..أنا الجاني ..انا الجاني..
انا اللي بقلد النصاري و اليهود
في لبسي
في شعري حتي في كلامي
انا اللي بشاركهم اعيادهم
ايوه انا اللي بخالف الشرع
انا اللي نسيت أن بكده
خالفت ديني حتي لو شاركتهم بلساني
..انا الجاني...انا الجاني...
انا اللي قبلت الحرام علي بيتي
انا اللي قبلت الرشوه عشان ظروفي
انا من كتر خوفي بقيت جبان
انا اللي مافيش في قلبي ذرة إيمان
انا اللي المفروض انسان
قبلت الظلم والذل واخترت أعيش جبان
وهي الدنيا ايه غير حبة ثواني
..انا الجاني ...انا الجاني...
...انا اللي كل يوم بيخسر ميزاني
....أنا الجاني ....أنا الجاني
انا اللي لازم أتوب وادعى ربي يمحي
لي الذنوب والفرصه لسه امامي
اترك المعاصي واضع العباده قدامي
..انا الجاني ..انا الجاني..
واترك صاحب السؤء
وابحث عن صاحب ياخد بأيدي
وبالايمان انسي احزاني
وانا اللي لازم اعرف مهما طالت الأيام
وتااااااااااااه. عنواني
هو ده مكاني .......
....
..
.
.
.
.
.................القبر...........
👇👇👇👇👇👇👇
Commentaires
Enregistrer un commentaire