الغالي والاغلى

السلام عليكم ورحمة الله وبركاته
يتجدد موعدنا مع يوميات ناس وناس
السطر الثالث عشر من الجزء الخامس
بعنوان
(الغالي والأغلى)

صعب أتعامل معاك
مع إن معاملتي سهله
وكل ما تناقش معاك
الاقيك ف رحله غير الرحله
لو قولت مره اني غالي
فأنا مرات قولت إنت االاغلى
الغالي إنك تختار كلام صح
والأغلى إن يكون صح كلامك
الغالي إنك تتعامل باخلاقك
والأغلى تخلي أخلاقك تتكلم عنك
الغالي إنك متبعش إللي منك
والأغلى تبقى قد سنك

الغالي إنك تعيش حياتك
والأغلى إنك تختار مين يعيش معاك فيها
الغالي إنك تصون العشره
والأغلى إن العشره تصونك
الغالي ان يبقى ليك مبدأ
والأغلى إنك تبدأ
ومتقولش ده ممكن يخونك
الغالي إنك تبادر بالحب
والأغلى إنك تحافظ عليه
الغالي إنك تحب اللي ليك
والأغلى إنك متبصش لل
ف أيديه
الغالي إنك تفهم إللي بعنيه
والأغلى لو باعك دموعك
متنزلش عليه
الغالي إنك تقدر الناس
والأغلى إنهم يقدروك
الغالي إنك تعيش محترم
والأغلى إنك تبقى شخصيه تحترم
الغالي إنك تحاول وتنجح
والأغلى إنك متحقدشع ع نجاح غيرك
الأغلى انك تعرف خط سيرك
والأغلى متقولش ان حد بيأكل من خيرك
الغالي إنك تنافس بشرف
 والأغلى إن الشرف يعرف انك منافس
الغالي إنك تبقي غالي عند أهلك
والأغلى إنك تلاقي اغلاهم بيندهلك
الغالي إنك تكون جنبهم
بدون استدعاء
والأغلى إنك تفوز بكلام قلوبهم ليك والدعاء.
الغالي إنك شمعه بينهم
ولو هتخلص فتلتك
والأغلى متكونش دمعه لعيونهم ويقطعو فروتك
الغالي إنك تكون موجود
والأغلى إنك متهربش
عشان ملقتش إسمك موجود
الغالي إن يكون ليك كيان
والأغلى إن كيانك يكون ضمير إنسان
الغالي إنك تنشر عشان تبان
والأغلى إنك تعلق تعليق يخطف الاذهان
الغالي إنك تكون غيور
والأغلى إنك متعش الدور
الغالي  إنك تنشر السرور
والأغلى إنك متلفش وتدور
الغالي إنك متنساش
والأغلى تكون حساس
الغالي إنك تحب الناس
والأغلى رضا ربنا يبقى الاساس
الغالي إنك تختار مين
يدخل قلبك
والأغلى إنك تعرف مين
بيكرهك ومين 👈👈👈بيحبك
#علي_التركي ♥️ ♥️ ♥️