وحيد جوه الصورة

السلام عليكم ورحمة الله وبركاته
♥️♥️♥️♥️♥️♥️♥️♥️♥️

يتجدد موعدنا مع يوميات ناس وناس
السطر الثالث من الجزء الأول
بعنوان (وحيد جوه الصوره)

انا لسه بنام وبقوم عادى
وبعيش واتعلم مـ الأيام
وبقابل ناس واضحة قصادى
وعرفت قلوب حسيتها إزاز
من كتر ما كانت مكسورة
سهتنى ونطت مـ البرواز
وسابتنى وحيد جوه الصورة
مبقتش بخاف من أى فراق
ولا بفرح لو حد استنى
ولاحتى بحس ان انا مشتاق
لو فات شهرين من غير رنة
وأدينى بنام وبقوم عادى
وان حد سألنى بقول راضى
وان دقق بضحكله واقوله
عديها ياعم المرة دى
وبحسس روحى ان انا مرتاح
أو بعمل كل اللى فـ نِفسي
بتلكك وامسك فـ الافراح
عشان إيه
👇👇👇👇👇👇

في اللي باعك واللي خانك واللي نفسه يكون مكانك واللي لما خسرت سابك واللي يغلط فاللي جابك واللي بيوقف مسيرتك واللي بيسقف فحيرتك واللي لما بتيجي سيرتك يبقى أخبث م الجاسوس واللي تاجر بالنصوص واللي خاين واللي هايف واللي لامع بس زايف  واللي حرف ف الكتاب واللي خرف ف الحساب
واللي زي مانت شايف مخبي نفسه وراه باب
واللي جبان اوعا تغلط في الكلاب
الكلاب وافيه عنهم بس عيونها
عليها ضباب
واللي عايز ياخد حاجه مش ليه ناس بجد
ميملاش عيونها غير التراب

#علي_التركي