ان الظالم انا المظلوم
يتجدد موعدنا
مع يوميات
ناس وناس
السطر الثالث والأربعون
من الجزء الأول
واقع الحياه
بعنوان (انا الظالم انا المظلووم)
انا الظالم
ظلمت نفسي انا المظلوم
انا اللي من فرحة الدنيا محروم
انا الظالم والمظلوم
فرحة الدنيا مش لبس ومال وقصور
الفرحه هي ذكرالله وصلاه وصوم
انا الظالم والمظلوم
انا اللي سكت علي حقي انا الظالم
انا اللي خدو حقي غصب عني انا المظلوم
انا اللي اعترض على رزقه انا الظالم
انا اللي خدو مني رزقي انا المظلوم
انا لي اهانتي صامت انا الظالم
انا اللي كرامتي ضاعت انا المظلوم
انا اللي بقوتي فاكر امتلكت الكون انا الظالم
انا اللي استغلو ضعفي بجنون انا المظلوم
انا اللي غفلت عن ربي وده ذنبي انا الظالم
وانا اللي وجعو قلبي على ابني انا المظلوم
انا اللي بتناقش مع الجاهل انا استاهل انا الظالم
انا اللي ممنوع أتكلم ومن الظلم انا شايل
انا المظلوم
انا اللي نسيت صلة الرحم انا الظالم
انا اللي حقي مهضوم وعلى مين ألوم انا المظلوم
انا اللي ياما ضعيت حقي نفسي اناالظالم
انا اللي حبست الدمع جوه عيني انا المظلوم
انا اللي الكلام كتير جوايا
بس خايف تحزنو معايا
انا الظالم انا المظلوم...
#علي_التركي ♥️ ♥️
Commentaires
Enregistrer un commentaire